Azərbaycanda hazırlanan süni intellekt strategiyası bu istiqamətin necə inkişaf etdirilməsi yollarını formalaşdıracaq.
"Operativ Məlumat Mərkəzi-OMM" xəbər verirki, bunu "AzIntelecom" MMC-nin İdarə Heyətinin sədri Elxan Əzizov "PAŞA Holding"in təşkilatçılığı ilə Bakıda keçirilən "INMerge" İnnovasiya Sammitinin ikinci günündə bildirib.
O qeyd edib ki, normativ baza olmadan texnologiyanın inkişafı müəyyən mərhələlərdə ciddi çətinliklə üzləşir: "Buna görə də, texnologiyanın inkişafını dəstəkləyən tənzimləyici baza vacibdir. Həmçinin texnologiyanın inkişafı üçün lazımi infrastruktur təmin edilməlidir. Çünki infrastruktur olmadan yeni texnologiyaların tətbiqi və istifadəsi çətin olur".
E.Əzizov əlavə edib ki, bu strategiya Rəqəmsal İnkişaf və Nəqliyyat Nazirliyi və digər dövlət qurumları ilə birgə hazırlanır.
