Moskvada Azərbaycanın xarici işlər naziri Ceyhun Bayramov, Rusiyanın XİN başçısı Sergey Lavrov və Ermənistanın xarici işlər naziri Ararat Mirzoyan arasında görüş başlayıb.
"Operativ Məlumat Mərkəzi-OMM" xəbər verir ki, nazirlər Azərbaycan və Ermənistan arasında sülh sazişinin layihəsi üzrə danışıqların növbəti raundunu keçirmək üçün Rusiya Xarici İşlər Nazirliyinin “Qəbullar evi”nə gəliblər.
Xatırladaq ki, mayın 25-də Moskvada Azərbaycan, Rusiya və Ermənistan liderlərinin üçtərəfli görüşünün keçirilməsi planlaşdırılır.
