Mayın 15-i saat 11:00-dan etibarən orta məktəblərin Azərbaycan bölməsi üzrə sorğuların yerləşdirilməsinə (məktəb seçimi) başlanılıb.
"Operativ Məlumat Mərkəzi-OMM" xəbər verir ki, bu gündən həmçinin, dövlət ümumi təhsil müəssisələrinin tədris digər dillərdə aparılan birinci siniflərinə qəbulla bağlı uşaqların həmin dil üzrə şifahi nitq bacarıqlarının yoxlanılması məqsədilə təşkil olunan müsahibəyə yazılmaq üçün qeydiyyat prosesi da həyata keçiriləcək.
Proses mayın 31-i saat 18:00-a qədər davam edəcək.
İyunun 20-də tədris digər dillərdə aparılan məktəblərdə məktəb seçiminə başlanılacaq və proses sentyabrın 14-də yekunlaşacaq.
Eyni zamanda Bakı Avropa liseyi, Respublika incəsənət gimnaziyası və Bülbül adına orta ixtisas musiqi məktəbinin Azərbaycan bölməsi üzrə birinci siniflərinə qəbulla bağlı müsabiqəyə yazılmaq üçün qeydiyyat da bu gündən başlayır. Qeydiyyat iyunun 27-si saat 18:00-a qədər davam edəcək.
