Aİ Şurası Ukraynaya hərbi yardım fonduna 5 milyard avro yardımı təsdiqləyib

Avropa İttifaqı (Aİ) Şurası Rusiyaya qarşı döyüşən Ukraynaya hərbi yardım üçün istifadə edilən fondun 5 milyard avro artırılacağını açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Yardım Fondu Ukrayna Silahlı Qüvvələrinin ehtiyaclarını hərbi texnika və təlim vasitəsilə ödəməyi hədəfləyir.

Aİ-nin Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell, qəbul edilən qərarın Aİ-nin üzərinə götürdüyü öhdəlikləri yerinə yetirdiyini göstərdiyini ifadə edərək, “Bu fondla Ukrayna üçün lazım olan hər cür dəstəyi verməyə davam edəcəyik",- deyə qeyd edib.

Qərardan sonra Avropa Sülh Fondunun 2021-2027-ci illər üçün yuxarı maliyyə həddi 17 milyard avronu keçib.