Aİ ölkələri təbii qaz qənaətini həyata keçirməyə davam edəcək

Avropa İttifaqı (Aİ) ölkələri növbəti qış dövrünə hazırlıq məqsədilə təbii qaz istehlakının 15 faiz azaldılması təcrübəsinin 1 il müddətinə uzadılması barədə razılığa gəliblər.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada üzv ölkələrin növbəti qış dövründə kifayət qədər qaz anbarı səviyyəsinə çatmaq üçün könüllü tələbin azaldılması tədbirlərini davam etdirməyə razılaşdıqları və üzv ölkələrin qaz tələbatının azaldılmasına davam ediləcəyi bildirilib.

Xatırladaq ki, Aİ ölkələrində Rusiya-Ukrayna müharibəsi və sonrakı enerji böhranı ilə qüvvəyə minən qaz qənaət praktikası martın 31-də başa çatacaq.