Avropa İttifaqı (Aİ) Komissiyasının sədri Ursula fon der Leyen köhnə Qərbin artıq olmadığını və dünyanın geosiyasi mənada qloballaşdığını bildirib.
"Operativ Məlumat Mərkəzi-OMM" xəbər verir ki, o, bu barədə alman həftəlik “Zeit” qəzetinə verdiyi müsahibəsində bildirib.
Avropanın son 10 ildə bank böhranı, miqrasiya böhranı, Brexit (Böyük Britaniyanın Aİ-dən çıxması), pandemiya, enerji böhranı və Rusiyanın Ukraynaya müharibəsi kimi qitəni dərindən təsir edən ciddi böhranlar yaşadığına diqqət çəkən fon der Leyen buna baxmayaraq, Avropanın hər bir böhrandan daha güclü çıxdığını qeyd edib.
"Bizim bildiyimiz Qərb artıq yoxdur. Dünya həm də geosiyasi sferaya çevrilib və bu gün dostluq şəbəkələrimiz bütün dünyaya yayılıb",- deyə bildirib.
Fon der Leyen bu vəziyyətin artıq gömrük mübahisəsində də müşahidə edildiyini və yeni sərəncamla işləmək istəyən bir çox dövlət və hökumət başçıları ilə danışıqlar apardığını vurğulayıb.
