ABŞ rəsmiləri hələlik Vaşinqtonda baş verən təyyarə qəzasına insan, yoxsa mexaniki faktorlar səbəb olduğunu deyə bilmir.
"Operativ Məlumat Mərkəzi-OMM" xəbər verir ki, bunu mətbuat konfransında ABŞ Milli Nəqliyyat Təhlükəsizliyi Şurasının (NSBT) əməkdaşı Todd İnman deyib.
“İnsan faktorlarını, mexaniki amilləri təsdiqləmək və ya istisna etmək üçün əlimizdə kifayət qədər faktlar yoxdur”, - deyən Todd, bu məsələyə NSBT tərəfindən aparılan istintaq çərçivəsində baxıldığını izah edib.
Onun sözlərinə görə, fəlakətin səbəblərini müəyyən etmək üçün vaxt lazımdır.
NSBT-nin rəhbəri Cennifer Homendy isə bildirib ki, təhqiqatda hava qəzası ilə bağlı xeyli məlumat var.
"Biz bu məlumatları təsdiq etməliyik. Bunun doğruluğuna əmin olmaq üçün vaxt ayırmalıyıq", - o vurğulayıb.
