ABŞ alimləri atmosferdəki suyu içməli suya çevirə bilən cihaz hazırlayıblar.
"Operativ Məlumat Mərkəzi-OMM" xarici KİV-ə istinadən xəbər verir ki, hazırlanmış cihazla su qıtlığı yaşayan milyardlarla insana təmiz içməli su təmin edilə bilər.
Belə ki, Yuta Universitetinin mühəndisləri havada su molekullarını toplayıb onları içməli suya çevirə bilən atmosfer suyu yığan cihazı hazırlayıblar.
Tədqiqat qrupundan Sameer Rao, istehsal etdikləri cihazda metal-üzvi quruluşa malik hiqroskopik materiallardan istifadə etdiklərini və hiqroskopik materialların suyu çox yaxşı udduğunu bildirib.
Tədqiqat qrupundan Nathan Ortiz, istifadə edilən materialın molekulyar miqyasda çox böyük bir səth sahəsi olduğu üçün, az miqdarda materialla böyük miqdarda suyu tuta bildiklərini ifadə etdi.
Materialın məsaməli səthində su buxarını tutduqdan sonra su molekullarının qızdırılaraq mayeyə çevrildiyini bildirən Ortiz, cihaz üçün ilkin patent üçün müraciət etdiklərini bildirib.
