2023-cü ilin oktyabrından Qəzza zolağında aparılan hərbi əməliyyatlar nəticəsində 48 min 300-dən çox fələstinli həyatını itirib.
"Operativ Məlumat Mərkəzi-OMM" xəbər verir ki, bu barədə Fələstin bölgəsinin Səhiyyə Nazirliyi məlumat yayıb.
“2023-cü ilin oktyabr ayından etibarən İsrailin hərəkətləri nəticəsində həlak olanların sayı 48 min 319-a yüksəlib, 111 min 749 nəfər yaralanıb”,- deyə məlumatda qeyd olunub.
Qəzza Səhiyyə Nazirliyi, Qəzza zolağındakı həkimlərin son 24 saatda dağıntılar altından 22 cəsədin çıxardığını, 16 yaralının isə xəstəxanalara aparıldığını bildirib.
