Afət Ziyadqızı
Ukrayna Prezidenti Volodimir Zelenski jurnalistlərə bildirib ki, Rusiya və Ukrayna arasında enerji obyektlərinə hücumların dayandırılması ilə bağlı hələlik birbaşa razılaşma əldə olunmayıb.
“Operativ Məlumat Mərkəzi–OMM”-in məlumatına görə, RBC-Ukraine xəbər verir ki, Zelenski eyni zamanda qeyd edib ki, əgər Rusiya Ukrayna enerji sektoruna hücum etməyi dayandırarsa, Ukrayna Silahlı Qüvvələri qarşı tərəfə “cavab tədbirləri” görməyəcək.
Ukrayna lideri bildirib:
“Bu, bir fürsətdir, razılaşma deyil. Əgər Rusiya istər istehsal, istərsə də digər enerji obyektlərimizi hədəfə almasa, biz də onların enerji sektorunu hədəfə almayacağıq. Düşünürəm ki, danışıqlarda vasitəçi olan ABŞ-nin ümid etdiyi cavab bu idi. Biz həmişə bütün rasional Amerika təşəbbüslərini, istənilən real təşəbbüsləri dəstəklədiyimizi nümayiş etdiririk”.
