Qərb ölkələri Rusiyaya qarşı qaz müharibəsinə başlayıb, o cümlədən ingilis mediasında Rusiya əleyhinə təbliğat aparıblar.
"Operativ Məlumat Mərkəzi-OMM" xəbər verir ki, bunu Rusiya Xarici İşlər Nazirliyinin sözçüsü Mariya Zaxarova Sankt-Peterburq Beynəlxalq Qaz Forumunun plenar iclasında deyib.
Diplomat 2022-ci ildə ''Der Spiegel'' jurnalında Rusiya Federasiyasının guya Avropaya qarşı qaz müharibəsi apardığını iddia edən məqaləni şərh edib.
"Həqiqətən də Avropaya qarşı qaz müharibəsi gedir. Avropanın bunu başa düşməsi niyə bu qədər uzun çəkdi?",- deyə o, qeyd edib.
Onun sözlərinə görə, ingilisdilli media Rusiyanın enerjidən silah kimi istifadə etməsi fikrini kinli və böyük xərclər hesabına yayır. O, bunu təkcə ritorika deyil, qərəzliliyin və hətta cinayətkarlığın sübutu hesab edir.
