Mərc oyunlarında iştirak şübhəsi ilə haqqında araşdırma aparılan daha bir futbolçu sorğu-suala çəkilib. İtaliyada gündəm olan oyunçulardan Nikolo Zaniolo Turin prokurorluğunda ifadə verib.
"Operativ Məlumat Mərkəzi-OMM" xəbər verir ki, yarımmüdafiəçi mərc oyunlarına aludə olduğunu etiraf edib. Amma o, qeyri-qanuni platformalarda qumar oynayarkən futboldan uzaq durduğunu bildirib. Zaniolo poker və sair oyunlarda iştirak etdiyni boynuna alıb.
Araşdırma bitməyib. Tezliklə bütün suallara aydınlıq gələcək. Zaniolo istənilən halda cəzalanacaq. Onun futbol matçlarına da pul qoyuluşu etdiyi aşkar edilsə, cəzası ağır olacaq.
