İtaliya İdman İdarəsi "Yuventus" üçün nəzərdə tutulan 15 ballıq cəzanı ləğv edib və yeni məhkəmə prosesinin keçirilməsinə göstəriş verib.
"Operativ Məlumat Mərkəzi-OMM" xəbər verir ki, İtaliyanın ən yüksək idman qurumu 20 aprel günü futbol məhkəməsinə A Seriyasının cari mövsümündə "Yuventus"u 15 xaldan məhrum etdiyi əvvəlki qərarını nəzərdən keçirməyi əmr edib.
İtaliya çempionatının 2022/2023-cü il mövsümünün bitməsinə səkkiz matç qalıb, bu qərar “Yuventus”u turnir cədvəlində yeddinci yerdən üçüncü pilləyə qaldırıb – aktivində 59 xal olan klub lider “Napoli”dən 16 xal geri qalır.
Bununla belə, İtaliya İdman İdarəsinin qərarı müvəqqətidir və yeni məhkəmə prosesləri davam etdikcə qüvvədə qalacaq.