İngiltərənin Oksford Universiteti və ölkənin milli sinxrotron elmi müəssisəsi tərəfindən aparılan araşdırma Yerdəki suyun mənşəyi ilə bağlı uzun müddətdir mövcud olan nəzəriyyələrə qarşı çıxır.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
İndiyə qədər elm adamları Yerə suyun planet yarandıqdan sonra, tərkibində su olan meteorlar və kometlər vasitəsilə gəldiyini düşünürdülər.
Ancaq yeni tapıntılar suyun planetin tikinti bloklarında hər zaman mövcud ola biləcəyini ortaya qoyub.
Tədqiqat zamanı "enstatit xondritlər" (EC) kimi tanınan nadir meteoritlər araşdırılıb. Onların tərkibi Yerin erkən əmələ gəlməsi dövründən süxurlara bənzər tərkibə malikdir.
Qabaqcıl bir rentgen analiz texnikası ilə aparılan araşdırmalarda bu meteoritlərin Yer okeanlarını meydana gətirəcək qədər hidrogen ehtiva etdiyi müəyyən edilib.
