Yaponiyanın Baş naziri Sanae Takaiti, ABŞ Prezidenti Donald Trampın İrandakı mühüm infrastruktur obyektlərini vurmaq hədəsinin müddəti başa çatmazdan əvvəl İran rəhbərliyi və ehtimal ki, Trampla telefon danışığı aparmağı planlaşdırır.
"Operativ Məlumat Mərkəzi-OMM" xəbər verir ki, bu barədə "Bloomberg" agentliyi məlumat yayıb.
Parlament iclasında çıxış edən Takaiti bildirib ki, hazırda rəhbərlik səviyyəsində danışıqlara hazırlıq gedir:
"Vəziyyətdən çıxış yolu tapmaq və sülhü bərpa etmək üçün əlimizdən gələni edəcəyik".
Qeyd edək ki, ABŞ Prezidenti Donald Tramp Yaponiyanı NATO ilə müqayisədə ölkəsinin ən yaxşı müttəfiqi adlandırıb.
O, Şimali Atlantika Alyansını Hörmüz boğazının açılması məsələsində Vaşinqtona dəstək verməməkdə günahlandırıb.
