Yaponiya Yaxın Şərqdə sülh prosesinin irəliləyişini nəzərə alaraq Fələstin Dövlətinin tanınmasını hərtərəfli nəzərdən keçirəcəyini açıqlayıb.
"Operativ Məlumat Mərkəzi-OMM" xəbər verir ki, Yaponiyanın xarici işlər naziri Kamikava Yoko paytaxt Tokioda keçirdiyi mətbuat konfransında Yaxın Şərqdə “iki dövlətli həll”i dəstəklədiklərini bildirib.
Kamikava, Fələstinlilərin "müstəqil dövlət qurmaq məqsədini" anladıqlarını və Yaponiyanın Fələstinin bu məqsədə yönəlik səylərini dəstəklədiyini bildirib.
"Biz sülh prosesinin necə irəliləyə biləcəyini nəzərə alaraq, Fələstin dövlətinin tanınması ilə bağlı bu məsələni hərtərəfli həll etməyə davam etmək istəyirik", - deyə yaponiyalı nazir bildirib.
