OMM Redaksiyası
İranın xarici işlər naziri Abbas Əraqçi xarici ölkələrin səfirləri ilə görüşündə ABŞ-nin İslam Respublikasına qarşı başlatdığı müharibənin hərbi həllinin olmayacağını bildirib.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
"Düşmənlərimiz yenidən hərbi qarşıdurma yolunu seçsələr, cavabımız əvvəlkindən daha güclü olacaq və biz daha böyük qüvvə ilə özümüzü müdafiə edəcəyik. Hərbi həll yolu olmadığı kimi, yeni sanksiyalar vasitəsilə də həll yolu yoxdur", - Əraqçi bildirib.
Nazir əlavə edib ki, yalnız ədalətə və qərəzsizliyə əsaslanan danışıqlar münaqişəyə son qoya bilər.
Qeyd edək ki, iyun ayında ABŞ və İran Pakistanın vasitəçiliyi ilə qarşılıqlı anlaşma memorandumu imzalayıb. Lakin sonradan təhlükəsizlik təminatları və Hörmüz boğazında gəmiçilik azadlığı ilə bağlı fikir ayrılıqları səbəbindən danışıqlar dalana dirənib.
