Xəzər dənizində yerli vaxtla saat 06:52-də 4,2 maqnitudalı zəlzələ qeydə alınıb.
“Operativ Məlumat Mərkəzi-OMM” xəbər verir ki, bu barədə rəsmi məlumatı AMEA nəzdində Respublika Seysmoloji Xidmət Mərkəzinin Zəlzələlərin Tədqiqatı Bürosu yayıb.
Seysmoloji məlumatlara əsasən, yeraltı təkanların ocağı 36 kilometr dərinlikdə yerləşib.
Qeyd edək ki, son həftələr Xəzər dənizində davamlı seysmoloji aktivlik müşahidə olunur. Təkcə aprel ayında Xəzər akvatoriyasında ümumilikdə 16 zəlzələ qeydə alınıb.
