Xamenei: "Düşməni olan ölkə özünü müdafiə etmək barədə düşünməlidir"

"Deyirlər, niyə bütün gücünüzü silah, pilotsuz təyyarə, raketə və s. qoymusunuz? Cavab odur ki, ilk növbədə düşməni olan ölkə özünü müdafiə etmək barədə düşünməlidir".

"Operativ Məlumat Mərkəzi - OMM" xəbər verir ki, bunu İranın ali lideri ayətullah Xamenei özünün "Twitter" hesabında paylaşıb.

O, qeyd edib ki, bu, həm ağılın hökmüdür, həm də şəriətin. "Düşmənlərə qarşı bacardığınız qədər qüvvə və döyüş atları hazırlayın!"

"İkincisi, müdafiə sektorundan başqa sahələrdə görülən işlər azdırmı? Müdafiə sektorundan bir neçə dəfə artığı sənaye, infrastruktur sektorlarında, yollarda, bəndlərdə və sair işlərdə işlənmişdir", - deyə Xamenei bildirib.