Vladimir Putin: “Rusiya ilə Türkiyə arasında münasibətlər yüksək templə inkişaf edir”

"Ötən il Moskva ilə Ankara arasında ticarət dövriyyəsi 86% artıb, bu il müsbət tendensiya davam edir. Rusiya ilə Türkiyə arasında münasibətlər yüksək templə inkişaf edir".

"Operativ Məlumat Mərkəzi-OMM" xəbər verir ki, bunu Rusiya Prezidenti Vladimir Putin Soçidə Türkiyə lideri Rəcəb Tayyib Ərdoğanla görüşündə deyib.

"Sizin bilavasitə iştirakınızla qurulmuş Rusiya-Türkiyə münasibətlərinin inkişaf tempi qorunur. Nəzərinizə çatdırım ki, ötən il ticarət dövriyyəmiz 80 faizdən çox, təxminən, 86 faiz artıb. Bu ilin birinci yarısında müsbət tendensiya davam edib", - Rusiya Prezidenti bildirib.

V.Putin Moskva ilə Ankara arasında enerji sahəsində də əlaqələrin davamlı inkişaf etdiyini vurğulayıb: “Biz enerji sahəsində çox inamla irəliləyirik, hər iki tərəfdən əsas təchizatçılar arasında razılaşmalar əldə olunub”.