Milli Hidrometeorologiya Xidmətindən verilən məlumata görə, Azərbaycanın şimal və qərb bölgələrindən başlayaraq hava şəraitinin qeyri-sabit keçəcəyi proqnozlaşdırılır. İyunun 2-si səhər saatlarından 3-ü gündüzədək davam edəcək yağıntılı hava şəraiti ilə bağlı müvafiq qurumlar xəbərdarlıq edib.
Sinoptiklərin proqnozuna əsasən, aşağıdakı təbiət hadisələrinin baş verməsi ehtimal olunur:
- Ayrı-ayrı ərazilərdə intensiv yağışlar;
- Şimşək çaxması və dolu düşməsi;
- Çaylarda sululuğun artması;
- Bəzi dağ çaylarından qısamüddətli daşqın və sel keçməsi.
