Astanada Ali Avrasiya İqtisadi Şurasının növbəti iclası baş tutub. İclasın əvvəlində dövlət başçılarının məhdud tərkibdə görüşü keçirilib.
Görüşdə aşağıdakı şəxslər iştirak ediblər:
- Rusiya Prezidenti Vladimir Putin
- Belarus Prezidenti Aleksandr Lukaşenko
- Qazaxıstan Prezidenti Kasım-Jomart Tokayev
- Qırğızıstan Prezidenti Sadır Japarov
- Ermənistan Baş nazirinin müavini Mger Qriqoryan
- Avrasiya İqtisadi Komissiyasının İdarə Heyətinin sədri Bakıtjan Saqintayev
Rusiya nümayəndə heyətində, həmçinin baş nazirin müavini və Avrasiya İqtisadi Komissiyası Şurasının üzvü Aleksey Overçuk və prezidentin köməkçisi Yuri Uşakov da yer alıblar. Məlumata görə, bağlı qapılar arxasında keçirilən müzakirələrdə Ermənistanın Avropa İttifaqına inteqrasiya planları əsas mövzulardan biri olacaq.
İclasın növbəti mərhələsi Özbəkistan Prezidenti Şavkat Mirziyoyev, Kubanın vitse-prezidenti Salvador Valdes Mesa və İranın sənaye, mədən və ticarət naziri Məhəmməd Atabakın qatılımı ilə geniş tərkibdə davam etdiriləcək.
