ABŞ administrasiyası Qəzzanın yenidən qurulmasına dəstək məqsədilə beynəlxalq görüşün keçirilməsi imkanını nəzərdən keçirir.
"Operativ Məlumat Mərkəzi-OMM" xəbər verir ki, bu barədə “Axios” nəşri məlumat yayıb.
Məlumata görə, Ağ Ev fevralın 19-da Qəzzanın bərpasına həsr olunmuş “Sülh Şurası” çərçivəsində ilk liderlər görüşünü təşkil etməyi planlaşdırır. Sözügedən toplantının ianə toplama konfransı formatında keçirilməsi və Qəzzanın yenidən qurulması üçün maliyyə resurslarının cəlb olunmasına yönəlməsi nəzərdə tutulur.
Qeyd olunur ki, görüşlə bağlı planlar hələ ilkin mərhələdədir və tarix, format, eləcə də iştirakçılarla bağlı dəyişikliklər mümkündür.
