Avropa Komissiyasının prezidenti Ursula fon der Lyayen və ABŞ prezidenti Donald Tramp gələn həftə Davosda Ukraynadakı sülh danışıqlarını müzakirə etmək üçün görüşməyi planlaşdırırlar.
"Operativ Məlumat Mərkəzi-OMM" xəbər verir ki, bu barədə İspaniyanın “El País” qəzeti Avropa İttifaqı daxilindəki mənbələrə istinadən məlumat yayıb.
Bildirilib ki, Davosda Dünya İqtisadi Forumu (WEF) yanvarın 19-dan 23-dək keçiriləcək və Ukrayna prezidenti Volodimir Zelenskinin də tədbirdə iştirakı gözlənilir.
Məlumata görə, Ursula fon der Leyenin Davosdakı çıxışı yanvarın 20-nə, Donald Trampla görüşü isə yanvarın 21-nə planlaşdırılıb.
Qəzet yazır ki, son günlər Brüsseldə ABŞ-nin Kiyevə dəstəyinin azalacağı ilə bağlı narahatlıqlar fonunda Avropa Komissiyasının prezidenti Qrenlandiya məsələsi ilə bağlı açıqlamalarında son dərəcə ehtiyatlı mövqe sərgiləyib.
