Afət Ziyadqızı
“Ukraynanın qismən Aİ-yə qəbulu planı Macarıstana qarşı “müharibə elanıdır””.
"Operativ Məlumat Mərkəzi-OMM" xəbər verir ki, bunu Macarıstanın Baş naziri Viktor Orban sosial media hesabında paylaşım edib.
Orban Avropa Birliyinin Macarıstanın veto hüququnu keçərək 2027-ci ildə Ukraynanı qismən qəbul etmək planını sərt tənqid edib.
Baş nazir yazıb:
“Bu yeni plan Macarıstana qarşı açıq müharibə elanıdır. Onlar Macarıstan xalqının qərarını qulaqardına vurur və Macarıstan hökumətini istənilən vasitə ilə devirmək əzmindədirlər”.
Onun sözlərinə görə, Brüssel bu məsələyə veto qoyulmasının qarşısını almaq üçün Macarıstanda Tisza partiyasının hakimiyyətə gəlməsini istəyir.
