OMM Redaksiyası
Ukrayna Silahlı Qüvvələri hava hücumundan müdafiə sistemləri üçün raketlərin ciddi çatışmazlığı ilə üzləşib.
“Operativ Məlumat Mərkəzi-OMM” xəbər verir ki, bununla bağlı "The Washington Post" məlumat yayıb.
Bildirilib ki, Patriot zenit-raket kompleksləri Rusiyanın raket hücumlarından müdafiədə Ukraynanın əsas ümidlərindən biri olaraq qalır, lakin bu sistemlər üçün nəzərdə tutulan raketlərin sayı kritik dərəcədə azalıb.
Qəzet qeyd edir ki, onsuz da məhdud olan raket ehtiyatları ABŞ ilə İran arasında baş verən hərbi qarşıdurma fonunda daha da azalıb.
Ukrayna rəsmiləri uzun müddətdir HHM sistemləri üçün sursat çatışmazlığından şikayət edir və Qərb ölkələrini bu sahədə silah tədarükünü artırmağa çağırırlar.
Bundan əvvəl Rusiya Müdafiə Nazirliyi Kiyevdə Ukrayna ordusu üçün hərbi təyinatlı məhsullar istehsal edən müəssisələrə zərbələr endirildiyini açıqlamışdı.
