Ukrayna “Türk axını” boru kəməri ilə Avropaya nəql olunan Rusiya qazını alır.
"Operativ Məlumat Mərkəzi-OMM" xəbər verir ki, bunu Ukraynanın Ali Radasının Energetika Komitəsi rəhbərinin birinci müavini Aleksiy Kuçerenko bildirib.
"Avropa vahid qaz bazarıdır və əslində əvəzetmə prinsipi qüvvədədir. Biz faktiki olaraq hansı qazı aldığımızı bilmirik. Təəssüf ki, sizi məyus etməliyəm, biz "Türk axını" ilə gələn və məsələn, Serbiyaya, Macarıstana gedən Rusiya qazını alırıq. Molekulların mənşəyini müəyyən edə bilmirik", - Kuçerenko bildirib.
