ABŞ prezidentinin Yaxın Şərq üzrə xüsusi nümayəndəsi Stiv Uitkoffun olduğu təyyarə Moskvanın "Vnukovo" hava limanına enib.
***
ABŞ prezidentinin Yaxın Şərq üzrə xüsusi nümayəndəsi Stiv Uitkoffun olduğu təyyarə Rusiya hava məkanına daxil olub.
"Operativ Məlumat Mərkəzi-OMM" xəbər verir ki, “Flightradar24” xidmətinin məlumatına görə, Uitkoffun təyyarəsi Floridadan havaya qalxaraq Atlantik okeanını keçib, sonra Norveç, İsveç və Latviya üzərindən keçib.
Moskva vaxtı ilə saat 10:00-a olan məlumata görə, təyyarə Tver vilayəti üzərində olub. Təyyarənin tezliklə Moskvaya enəcəyi bildirilib.
Qeyd edək ki, bu, Uitkoffun 2025-ci ilin fevralından bəri Rusiyaya dördüncü səfəri olacaq. Trampın xüsusi nümayəndəsi Rusiya-Ukrayna müharibəsinə son qoymaq üçün danışıqlarda fəal iştirak edir.
Bundan əvvəl Amerika mediası Tramp administrasiyasının atəşkəslə bağlı yekun təklif hazırladığını yazmışdı. Həmin təklifə əsasən, ABŞ-ın Krım üzərində Rusiyanın nəzarətini tanıdığı güman olunur. Ukrayna belə şərtləri qəbul etməyəcəyini açıqlayıb.