"Twitter" istifadəçilərini qaydaları pozan məzmundan qorumaq üçün yeni üsul hazırladığını açıqlayıb.
"Operativ Məlumat Mərkəzi-OMM" xarici mediaya istinadən xəbər verir ki, bu çərçivədə qaydaları pozan tvitlər etiketlənməyə başlayıb.
Müvafiq olaraq, bundan sonra "Twitter" qaydalarını pozan məzmuna giriş məhdudlaşdırılacaq, yəni daha az insana göstəriləcək.
Açıqlamaya görə, tvitlərə girişin məhdudlaşdırılması tətbiqi ilə çıxışı azaldılan tvitlərə teqlər əlavə olunacaq. Beləliklə, bu tvitlərlə qarşılaşan istifadəçi bu tvitlərin məhdudlaşdırıldığını biləcək.
Teqlər tvitin hansı siyasəti pozduğuna görə dəyişəcək. Reklamlar etiketlənmiş məzmunun yanında göstərilməyəcək.
