Türkiyənin Malatya vilayətində səhər saatlarında zəlzələ baş verib.
"Operativ Məlumat Mərkəzi-OMM" xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.
Məlumata əsasən, yeraltı təkanlar yerli vaxtla saat 06:43-də Pütürge rayonunda qeydə alınıb. 4,5 bal gücündə olan zəlzələnin ocağı yerin 9,39 kilometr dərinliyində yerləşib.
Hazırkı vaxtadək hər hansı dağıntı və ya xəsarət barədə məlumat daxil olmayıb.
Qeyd edək ki, zəlzələ ətraf rayonlarda da qısamüddətli təşvişə səbəb olsa da, vəziyyətin stabil olduğu bildirilir.
