Bir həftə Türkiyədə qalan 50 nəfərlik Yunan xilasetmə qrupu (EMAK) Yunanıstanın paytaxtı Afinada qəhrəman kimi qarşılanıb.
"Operativ Məlumat Mərkəzi - OMM" CNN Türkə istinadən xəbər verir ki, Yunanıstan xilasetmə qrupunu Afina Eleftherios Venizelos hava limanında qarşılayan Yunanıstanın İqlim Böhranı və Mülki Müdafiə naziri Kristos Stilianidis dedi: “Bu, hamımız üçün emosional bir andır. Həmrəyliyin nə demək olduğunu göstərdiniz. Hər kəsdən sizin üçün ən yaxşı sözləri eşitmişik. İnsanlığın bu çətin anında Yunanıstan zəlzələ zonasında idi”. Səhiyyə naziri Thanos Plevris, “Göstərdiyiniz həmrəylik və insanlıq hamımıza təsir etdi. Sizinlə fəxr edirik”, - deyə o bildirib. Komandanın rəhbəri olan Yunanıstan Xüsusi Fəlakətlərə Qarşı Mübarizə Birliyinin (EMAK) rəhbəri Dimitris Rupas, "Ölkəmizdə edəcəyimizi etdik, nə çox, nə də az" dedi.