"Türkiyədə keçiriləcək prezident və parlament seçkilərindən öncə "Millət İttifaqı" xarici siyasət strategiyasını təqdim edib".
"Operativ Məlumat Mərkəzi - OMM" xəbər verir ki, bu barədə politoloq Rusif Məmmədsoy sosial şəbəkədə yazıb.
Ekspert qeyd edib ki, ora Azərbaycanla müttəfiqlik haqqında, münasibətlərin daha da dərinləşməsi barədə bir neçə bənd əlavə edilib:
"Bu isə o deməkdir ki, seçkilərə qatılacaq istənilən tərəf anlayır ki, Azərbaycan məsələsi Türkiyə cəmiyyətində xüsusi həssaslıqla yanaşılır. Təbii ki, burda Meral Akşener amili də öz rolunu oynayır. İstənilən halda onu deyə bilərik ki, Türkiyədə seçkinin nəticəsindən asılı olmayaraq, Azərbaycana münasibətdə köklü dəyişikliklər olmayacaq. Bütün bunlarla paralel olaraq, əlbəttə ki, mən Ərdoğanın yenidən seçilməsini arzu edirəm. Çünki ümumi istiqamət bəlli olsa da liderlərin xarakterik xüsusiyyətləri hər zaman öz fərqini göstərir. Bu səbəbdən də indiki məqamda yenidən AK partiyanın hakimiyyətdə qalmasını arzu edənlər arasındayam".