Afət Ziyadqızı
İran parlamentinin sədri Məhəmməd Bağır Qalibaf ABŞ və İsraili regionda atəşkəs rejiminə riayət etməməkdə günahlandırıb. O, bu barədə özünün X sosial şəbəkə hesabında paylaşım edib.
Qalibafın fikrincə, ABŞ-nin tətbiq etdiyi dəniz blokadası və İsrailin Livana qarşı həyata keçirdiyi hücumlar atəşkəs razılaşmasının pozulması kimi qiymətləndirilməlidir. İranlı rəsmi İsraili Livanda müharibə cinayətləri törətməkdə ittiham edərək, yaranan gərginliyə görə Vaşinqtonun da məsuliyyət daşıdığını vurğulayıb.
Paylaşımında sərt ifadələrə yer verən Qalibaf qeyd edib: “Hər seçimin bir qiyməti var və hesablaşma vaxtı çatır. Hər şey öz yerini tapacaq”.
Sözügedən bəyanat regionda artan gərginlik fonunda tərəflər arasında siyasi və hərbi ittihamların daha da kəskinləşdiyini göstərir.
