Türkiyə Enerji və Təbii Sərvətlər naziri Alparslan Bayraktar ölkəsinin Rusiyadan qaz idxalından imtina etməyi planlaşdırmadığını açıqlayıb.
"Operativ Məlumat Mərkəzi-OMM" xəbər verir ki, CNN Türk-ə müsahibəsində nazir bildirib ki, qaz təchizatının təhlükəsizliyi üçün müxtəlif mənbələrdən alınan qazın davamlılığı vacibdir.
“Vətəndaşlara qazın qurtardığını deyə bilmərik. Qaz təchizatının təhlükəsizliyi bu mənbələrin ayrı-seçkilik olmadan istifadəsi ilə təmin olunur. Qış yaxınlaşır və bizim Rusiya, Azərbaycan, İran, Türkmənistanla mövcud müqavilələrimiz var. Bu müqavilələr çərçivəsində qaz tədarükü davam edəcək”, - deyə Bayraktar vurğulayıb.
Qeyd edək ki, Rusiya son dövrlərdə Türkiyəyə qaz ixracını 26 faiz artırıb.
