Türkiyənin xarici işlər naziri Hakan Fidan hesab edir ki, 2024-cü il ərzində Ukraynadakı böhranın həllini gözləmək lazım deyil.
"Operativ Məlumat Mərkəzi-OMM" xəbər verir ki, o bu barədə "CNN Türk" telekanalının efirində deyib.
"Münaqişənin digər regionlara, Şərqi Avropaya, Mərkəzi Avropaya yayılması təhlükəsi var, nüvə silahından söhbət gedir. Biz görürük ki, Avropada bir sıra siyasətçilər tədricən riskləri dərk etməyə başlayırlar. Ancaq 2024-cü ilə gəldikdə, dürüst olsaq, həll üçün heç bir əsas görmürük".
Nazir əlavə edib ki, 2025-ci il üçün bəzi ümidlər var. Ancaq onun sözlərinə görə,gözləmək və şərtlərin nə olacağını görmək lazımdır.
