OMM Redaksiyası
“Slaviya”nın baş məşqçisi Yindrjix Trpişovski UEFA Çempionlar Liqasının Liqa mərhələsinin ikinci turunda “Sabah”a 0:2 hesabı ilə uduzduqları oyundan sonra komandasının çıxışını dəyərləndirib.
Çexiyalı mütəxəssis futbolçularının xüsusilə ilk hissədə zəif oynadığını bildirib. Onun sözlərinə görə, məğlubiyyətin bir neçə səbəbi var və komanda bunları təhlil edəcək.
“Mənasız qollar buraxdıq. Halbuki qol imkanlarımız az deyildi. Müxtəlif mövqelərdə zəif çıxış etdik, top itkilərimiz çox oldu. İkinci hissədə ciddi təzyiqlə üzləşdik. Ancaq onu deyə bilərəm ki, “Sabah” orta sahədə bizi üstələdi. Futbolçularımız çox məyusdurlar”, – Trpişovski deyib.
Baş məşqçi ilk hissədəki oyunu da məğlubiyyətin əsas səbəblərindən biri kimi göstərib və qarşılaşmadakı səhvlərin araşdırılacağını qeyd edib. Bakı Olimpiya Stadionunda keçirilən görüş “Sabah”ın 2:0 hesablı qələbəsi ilə başa çatıb.
