ABŞ Prezidenti Donald Tramp İrandakı cari vəziyyət və hadisələrin gedişatı ilə bağlı mühüm açıqlama verib.
"Operativ Məlumat Mərkəzi-OMM" xarici KİV-ə istinadən xəbər verir ki, Ağ Ev rəhbəri rəsmi Vaşinqtonun regionda cərəyan edən prosesləri diqqətlə izləyəcəyini vurğulayıb.
Bununla belə, Tramp jurnalistlərin suallarını cavablandırarkən hərbi variantın hələ də gündəmdə olub-olmaması barədə detalları açıqlamaqdan yayınıb.
O, ABŞ-nin İrana qarşı gələcək addımlarının hadisələrin inkişafından asılı olacağını qeyd edib.
Xatırladaq ki, son dövrlərdə iki ölkə arasındakı münasibətlərdə gərginlik artmaqda davam edir. Rəsmi Vaşinqtonun atacağı növbəti addımlar beynəlxalq ictimaiyyət tərəfindən maraqla gözlənilir.
