OMM Redaksiyası
ABŞ qlobal ticarət üçün kritik əhəmiyyət daşıyan Hörmüz boğazında minatəmizləmə prosesinə başlayır.
“Operativ Məlumat Mərkəzi-OMM”-in məlumatına görə, bu barədə rəsmi açıqlamanı ABŞ Prezidenti Donald Tramp özünün "Truth Social" sosial şəbəkə hesabında verib.
"İndi biz dünya ölkələrinə, o cümlədən Çin, Yaponiya, Cənubi Koreya, Fransa, Almaniya və bir çox digərlərinə lütf olaraq Hörmüz boğazının təmizlənməsi prosesinə başlayırıq", - deyə Donald Tramp bildirib. O vurğulayıb ki, bu ölkələrin həmin işi özləri görmək üçün nə cəsarətləri, nə də iradələri var, lakin bir çox dövlətlərdən boş neft tankerləri neftlə yüklənmək üçün məhz ABŞ-yə yollanır.
Hərbi vəziyyətə toxunan ABŞ Prezidenti əlavə edib ki, İranın Hörmüz boğazında quraşdırdığı 28 mina düzən gəmisi artıq dənizin dibində yatır. Onun sözlərinə görə, ABŞ bu strateji addımı ilə İranı sonuncu "kozırından" məhrum edir və rəsmi Tehran ABŞ-la müharibədə demək olar ki, uduzur.
