AFFA İntizam Komitəsi "Turan Tovuz"u 1600 manat məbləğində cərimələyib.

"Operativ Məlumat Mərkəzi - OMM"  Peşəkar Futbol Liqasının rəsmi saytına istinadən xəbər verir ki, buna Tovuz təmsilçisinin azarkeşlərinin XXII turda "Kəpəz"lə matçda meydana kənar əşyalar atması səbəb olub.

Qeyd edək ki, qarşılaşma "Turan Tovuz"un 2:0 hesablı qələbəsi ilə bitib.

Yunanıstan Superliqa komandalarından "Panatinaikos"u çalışdıran Fatih Terimlə yollar ayrılıb.

"Operativ Məlumat Mərkəzi-OMM" xəbər verir ki, türkiyəli mütəxəssis vəzifəsindən istefa verdiyini açıqlayıb.

Təcrübəli çalışdırıcı açıqlamasında, 2024-2025-ci illər üçün klubla planların uyğun olmadığı qənaətinə gəldiklərini vurğulayıb: "Keçən dekabr ayından bəri komandamla bütün gücümüzlə çalışdığımız "Panatinaikos"da məqsədimiz 2023-2024 mövsümünü çempion olaraq tamamlamaq və çox dəyərli azarkeşlərə təcrübə qazandırmaq idi. Dünən rəhbərliklə bir araya gəldik və vəziyyəti qiymətləndirdik. Nəticədə, peşəkar əlaqələrimizin davam etməməsinə qərar verildi".

Qeyd edək ki, Yunanıstan klubunu keçən ilin dekabr ayından Fatih Terim "Panatinaikos"la 26 matçda 14 qələbə, 6 məğlubiyyət və 6 heç-heçə ilə yadda qalıb.

AFFA prezidenti Rövşən Nəcəf UEFA rəhbəri Aleksander Çeferinlə görüşüb.

"Operativ Məlumat Mərkəzi-OMM" milli assosiasiyanın mətbuat xidmətinə istinadən xəbər verir ki, toplantı Tailandın paytaxtı Banqkokda keçirilən FIFA-nın 74-cü Konqresindən əvvəl baş tutub.

Görüşdə UEFA və AFFA arasında qarşılıqlı əməkdaşlıq məsələləri müzakirə olunub, UEFA-nın dəstəyi ilə ölkəmizdə həyata keçirilmiş layihələr barədə fikir mübadiləsi aparılıb.

Tərəflər səmərəli və faydalı əməkdaşlığın gələcəkdə də davam etdiriləcəyinə əminliyini ifadə ediblər.

AFFA İntizam Komitəsi Azərbaycan Premyer Liqasının XXXIV turunda baş tutan “Zirə” - “Qarabağ” matçında yaşananlara görə meydan sahiblərinə xəbərdarlıq edib.

"Operativ Məlumat Mərkəzi-OMM" qurumun mətbuat xidmətinə istinadən xəbər verir ki, buna səbəb “Zirə” azarkeşlərinin 89-cu dəqiqədə hakimlərin ünvanına kütləvi şəkildə təhqiramiz ifadələr işlətməsi olub.

Bu hal cari mövsümdə ilk dəfə yaşandığına görə AFFA xəbərdarlıqla kifayətlənib.

Sözügedən matçda 4 futbolçusu sarı vərəqə aldığına görə “Qarabağ” 700 manat cərimələnib.

XXXIV turun “Neftçi” – “Kəpəz” oyununda Şakir Seyidov 75-ci dəqiqədə ciddi qayda pozuntusuna yol verdiyinə və bu səbəbdən qırmızı vərəqə ilə meydandan qovulduğuna görə Gəncə klubu 1500 manat cərimələnib. Futbolçu isə iki oyunluq diskvalifikasiya edilib.

"Bavariya"nın bəzi futbolçuları hələ də ümid edirlər ki, baş məşqçi Tomas Tuxel gələn mövsüm komandada qalacaq.

"Operativ Məlumat Mərkəzi-OMM" xarici KİV-ə istinadən xəbər verir ki, bu oyunçular arasında Manuel Noyer və Tomas Müller var.

Futbolçular Tuxeli komandada saxlamaq üçün rəhbərlik ilə danışıqlar aparacaqlar.

"Bavariya" artıq Tuxelin mövsümün sonunda komandadan ayrılacağını açıqlayıb. 

"Mançester Yunayted"in yarımmüdafiəçiləri Brunu Fernandeş və Kazemiro mövsümün sonunda ingilis komandasından ayrıla bilərlər.

"Operativ Məlumat Mərkəzi-OMM" "The Telegraph" istinadən xəbər verir ki, oyunçular Səudiyyə Ərəbistanı çempionatına keçə bilər.

Səudiyyə klubları artıq Braziliya xavbekinin agentləri ilə danışıqlara başlayıb.

Fernandeşin keçidini nümayəndələri ilə də müzakirə etməyi planlaşdırırlar.