OMM Redaksiyası
“TikTok”da canlı yayım zamanı iki bloqer arasında baş verən mübahisə sosial şəbəkələrdə geniş müzakirələrə səbəb olub.
"Operativ Məlumat Mərkəzi-OMM" xəbər verir ki, sosial şəbəkələrdə yayılan görüntülərdə “raufizm” və “7_muxammed_7” adlı bloqerlərin canlı yayım zamanı bir-birinə qarşı nalayiq ifadələr işlətdiyi görünür.
Hadisənin diqqət çəkən tərəflərindən biri də canlı yayımın geniş auditoriyaya açıq olmasıdır. Belə yayımları uşaqlar və yeniyetmələr də izləyə bilir.
Sosial şəbəkələrdə izlənmə və diqqət uğrunda rəqabət bəzən mübahisələrin də canlı yayıma daşınmasına səbəb olur. Lakin şəxsi mübahisələrin qarşılıqlı təhqir və söyüş formasında minlərlə izləyicinin qarşısında nümayiş etdirilməsi sosial şəbəkə istifadəçiləri arasında da narazılıq doğurur.
Xüsusilə geniş auditoriyaya hesablanan kontentdə istifadə olunan ifadələr və davranışlar uşaqların və yeniyetmələrin də bu məzmuna çıxış əldə edə bilməsi baxımından diqqət çəkir.
