"TikTok" ödənişli məzmun sistemini rəsmi olaraq elan edib.
"Operativ Məlumat Mərkəzi-OMM" "TikTok"-un yaydığı açıqlamaya istinadən xəbər verir ki, "Series" adlı xüsusiyyət məzmun istehsalçılarının ödənişli məzmun istehsal edib istənilən qiymətə satmasına imkan verir.
Hər bir “Series” cəmi 80 videodan ibarət ola bilər və hər video maksimum 20 dəqiqə uzunluğunda olacaq. Beləliklə, istifadəçilər "Series" satın aldığı zaman 26,6 saata qədər eksklüziv videolara giriş əldə edəcəklər.
"Series"-dən əldə edilən bütün gəlirlərin qısa müddətə fasiləsiz birbaşa məzmun istehsalçılarına veriləcəyi deyilir.
