Tayvanın şərqində yerləşən Hualien şəhərində 6,1 bal gücündə zəlzələ baş verib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Yerli vaxtla saat 03:21-də baş verən zəlzələ paytaxt Taybey və ətraf əyalətlərdə hiss olunsa da, can və mal itkisi ilə bağlı hələlik rəsmi açıqlama verilməyib.

Səudiyyə Ərəbistanının Vəliəhd şahzadəsi və Baş naziri Məhəmməd bin Salman Al Səud may ayının ikinci yarısında Yaponiyanı ziyarət edərək imperator Naruhito ilə görüşəcək və Baş nazir Fumio Kisida ilə danışıqlar aparacaq.

"Operativ Məlumat Mərkəzi-OMM"-in TASS-a istinadən xəbərinə görə, bu barədə Tokioda keçirilən mətbuat konfransında Yaponiya Nazirlər Kabinetinin baş katibi Yosimasa Hayasi məlumat verib.

"Səudiyyə Ərəbistanının Vəliəhd şahzadəsi Məhəmməd bin Salman Al Səud mayın 20-dən 23-dək Yaponiyaya dövlət səfəri edəcək. Səfər zamanı onu imperator Naruhito qəbul edəcək, həmçinin Baş nazir Kisida da Vəliəhdlə görüşəcək", - o deyib.

"Ümid edirik ki, səfər ikitərəfli münasibətləri gücləndirəcək", - Hayasi əlavə edib.

2025-ci ildə Yaponiya və Səudiyyə Ərəbistanı diplomatik əlaqələrin qurulmasının 70 illiyini qeyd edəcəklər.

Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib ki, Birləşmiş Ştatlar Fələstinin HƏMAS hərəkatının liderlərini tapmaqda İsrailə kömək edir.

"Operativ Məlumat Mərkəzi-OMM" xəbər verir ki, bu barədə RİA Novosti məlumat yayıb.

O, Amerika tərəfinin Qəzza zolağındakı hərəkatın lideri Yəhya Sinouara da daxil olmaqla, HƏMAS liderlərinin məhv edilməsində Qüdsə daim kömək etdiyini vurğulayıb.

Kirbi əlavə edib ki, Vaşinqton İsrail tərəfini Qəzzanın cənubundakı Rəfah şəhərinin işğalından əl çəkməyə və problemə alternativ həll yolları hazırlamağa inandırmağa çalışır.

Onun sözlərinə görə, Birləşmiş Ştatlar həmçinin Qəzza zolağında, o cümlədən Rəfahda altı həftəlik atəşkəs üçün razılıq əldə etməyə davam edir.

Moldova 2030-cu ilə qədər Avropa Birliyinə üzv ola bilər.

"Operativ Məlumat Mərkəzi-OMM" xəbər verir ki, bu barədə Avropanın büdcə və insan resursları üzrə komissarı Yohannes Han Kişinyova səfəri zamanı bildirib.

“Hələ görüləsi işlər var, amma deməliyəm ki, on ildən artıqdır ki, mən Moldovanı “müşayiət” edirəm, biz “enişlər” görmüşük, amma indi yalnız müsbət tendensiya görürəm”, - o deyib.

Avropa komissarının sözlərinə görə, bu iş vaxtında görülsə, “real danışıqlara” başlamaq mümkün olacaq.

Gürcüstanın xarici işlər naziri İlya Darçiaşvili bildirib ki, Tbilisi Avropa İttifaqına (Aİ) üzvlükdən başqa alternativ görmür və ölkə Avropaya inteqrasiyaya yönəlmiş hərtərəfli islahatları davam etdirəcək.

"Operativ Məlumat Mərkəzi-OMM" xəbər verir ki, bu barədə “İmedi” məlumat yayıb.

“Avropa İttifaqına daxil olmaq məqsədinə mütləq nail olunacaq. 2023-cü il dekabrın 14-də Gürcüstana namizəd statusunun verilməsi bu yolda böyük addım idi, Avropa İttifaqı ilə münasibətlərimizi yeni strateji səviyyəyə qaldırdı və Gürcüstanın Avropaya inteqrasiyasını dönməz prosesə çevirdi”.

O, Gürcüstanın gələcəyinin Avropa İttifaqında olduğunu və bunun alternativinin olmadığını vurğulayıb.

Gürcüstan Xarici İşlər Nazirliyinin rəhbəri əmin edib ki, o, ölkənin hərtərəfli islahatları davam etdirəcəyinə və Avropaya inteqrasiya prosesinin başa çatacağına qəti inanır.

Sloveniyanın xarici işlər naziri Tanya Fajon mətbuata açıqlamasında hökumətin Fələstin dövlətinin tanınması proseduruna başladığını açıqlayıb.

"Operativ Məlumat Mərkəzi-OMM" xəbər verir ki, tanınma qərarı iyunun 13-dək Sloveniya parlamentinə göndəriləcək.

Qərarın geri dönüşü olmayan bir addım olduğuna diqqət çəkən Fajon, "hökumətin Fələstini tanıma prosesində olmasından xoşbəxtəm. Bununla Sloveniya Yaxın Şərqdə sülhün bərqərar olması və iki dövlətli həllin zəruriliyinə sadiqdir", - deyib.