Ayşə Aslan
Sudanda ölkə ordusunun bölmələri ilə xüsusi təyinatlılar arasında davam edən silahlı toqquşmalar nəticəsində ölənlərin sayı 100-ə çatıb.
"Operativ Məlumat Mərkəzi-OMM" xəbər verir ki, bu barədə “France24“ agentliyi məlumat yayıb.
Məlumatda deyilir ki, ölkənin bəzi xəstəxanalarında yaralıların müalicəsi üçün vacib tibbi ləvazimatlar, qan, dərmanlar və s. tükənmək üzrədir.
Sudanın bir sıra əyalətlərində hazırda toqquşmalar və atışmalar davam edir.
Ölkədə vəziyyət getdikcə daha da kəskinləşir, tərəflər humanitar dəhlizlərin açılmasına razılıq versələr də, danışıqlara və hərbi əməliyyatların dayandırılmasına hazır olduqlarını bəyan etmirlər.
