Rusiyanın paytaxtı Moskvada Taqanski Rayon Məhkəməsi teleqram və “Google” şirkətlərinə qarşı açılan işlər üzrə qərar qəbul edib.
“Operativ Məlumat Mərkəzi – OMM” xəbər verir ki, hər iki platforma ölkə qanunvericiliyini pozaraq qadağan olunmuş məzmunları silməməkdə təqsirləndirilib.
Məhkəmənin qərarına əsasən, teleqram 18,4 milyon rubl, “Google” isə 7,6 milyon rubl məbləğində cərimələnib.
Qeyd edək ki, Rusiyada xarici internet platformalarının cərimələnməsi ilk dəfə baş vermir.
Ölkə hakimiyyəti daha əvvəl “YouTube”, “Instagram”, “X” (keçmiş “Twitter”) və “TikTok” kimi platformalara da qadağan olunmuş məzmunların silinməməsi və yerli qanunvericiliyin tələblərinə əməl edilməməsi ilə bağlı cərimələr tətbiq edib.
Xatırladaq ki, Rusiya ərazisində teleqram platformasına girişlə bağlı müxtəlif məhdudiyyətlər də tətbiq olunur.
