Slovakiya prezidenti Peter Pelleqrini bir neçə gündən sonra Azərbaycana səfər edəcək və burada prezident İlham Əliyevlə respublikasının enerji təhlükəsizliyinin gücləndirilməsi imkanlarını müzakirə edəcək.
"Operativ Məlumat Mərkəzi-OMM" xəbər verir ki, bu barədə Almaniyada səfərdə olan Slovakiya dövlətinin başçısı jurnalistlərə açıqlamasında deyib.
“Mən bir neçə gündən sonra Azərbaycana gedəcəyəm, orada Azərbaycan prezidenti İlham Əliyev ilə görüşüm var”.
O, Bakıya gözlənilən səfərini Almaniya kansleri Olaf Şolzla müzakirə etdiyini bildirib.
