Sinan Engin “Fənərbaxça”nın 0:6 hesablı məğlubiyyətindən sonra Lukakunu tənqid etdi

“Beşiktaş”ın sabiq yarımmüdafiəçisi Sinan Engin Çempionlar Liqasının ümumi mərhələsinin ikinci turunda “Aston Villa”ya 0:6 hesabı ilə məğlub olan “Fənərbaxça”nın hücumçusu Romelu Lukakunun çıxışını tənqid edib.

Birmingemdə keçirilən görüşdə “Aston Villa”nın qollarını 12-ci dəqiqədə Manzam bi, 31 və 39-cu dəqiqələrdə Cekson, 68 və 72-ci dəqiqələrdə Barkli, 90-cı dəqiqədə isə Abraham vurub.

Engin Lukakunun fiziki formasını da tənqid edərək, onun artıq çəki yığdığını bildirib. “Lukaku, bu nə biabırçılıqdır! Özünü görmürsən, güzgüyə baxmırsan? Qardaş, sənə deyirəm ki, saat 18:00-dan sonra yemək yemə, amma sən kökəlirsən. Dietoloq və şəxsi məşqçi tut. Lukaku bu qədər qolu necə vura bilib? Bu, həqiqətən də əsl Lukakudur? Bizi aldada bilməzsən”, – deyə Enginin sözlərini Footmercato yayıb.

Çempionlar Liqasının növbəti turunda “Fənərbaxça” “Slaviya” ilə qarşılaşacaq. Oyun oktyabrın 20-də keçiriləcək.