Şimali Makedoniyada parlament seçkilərində, habelə prezident seçkilərinin ikinci turunda səsvermə başa çatıb.
"Operativ Məlumat Mərkəzi-OMM" xəbər verir ki, səsvermə yerli vaxtla 19:00-da (Bakı vaxtı ilə 21:00-da) yekunlaşıb.
Seçki komissiyasının saat 17:00-a (Bakı vaxtı ilə 19:00) məlumatına görə, parlament seçkilərində 827 mindən çox vətəndaş (45,85 %) səs verib, prezident seçkilərinin ikinci turunda isə 706 mindən çox seçici (39,27 %) iştirak edib.
