Fələstinin radikal HƏMAS hərəkatı ABŞ-ın Qəzza zolağında münaqişəyə son qoymaq üçün razılaşmanın birinci mərhələsinin başlamasından 16 gün sonra İsrail girovlarının azad edilməsi ilə bağlı danışıqlara başlamaq təklifini qəbul edib.
"Operativ Məlumat Mərkəzi-OMM" xəbər verir ki, bu barədə RİA Novosti HƏMAS-ın yüksək vəzifəli mənbəsinə istinadən məlumat yayıb.
Bildirilir ki, radikallar bundan əvvəl də yalnız atəşi əbədi olaraq dayandıran ilk ölkə İsrail olacağı təqdirdə müqaviləni imzalayacaqlarını iddia ediblər. Yaraqlılar bu şərti rədd ediblər.
Sülh danışıqları ilə tanış olan Fələstin rəsmisi bildirib ki, İsrail bunu qəbul edərsə, bu təklif çərçivə razılaşmasına gətirib çıxara bilər. İsrailin danışıqlar qrupundakı mənbə qeyd edib ki, hazırda razılığa gəlmək üçün real şans var.
Yeni təklif vasitəçilərdən sazişin ikinci mərhələsi üzrə dolayı danışıqlar zamanı müvəqqəti atəşkəs, humanitar yardımın təmin edilməsi və İsrail qoşunlarının Fələstin ərazisindən çıxarılmasına zəmanət verməyi tələb edir.
Agentlik həmçinin bildirir ki, son günlər ABŞ, İsrail və Qətər arasında diplomatik təmaslar intensivləşib və Qətər danışıqlarda vasitəçilik edir. Regional mənbə bildirib ki, ABŞ prezidenti Co Bayden administrasiyası noyabrda keçiriləcək seçkilərdən əvvəl razılığa gəlməyi hədəfləyir.
