Afət Ziyadqızı
Serbiya prezidenti Aleksandar Vuçiç Qərbin Ukraynadakı münaqişəsinin inkişafı ilə bağlı iki ssenari olduğunu bildirib.
"Operativ Məlumat Mərkəzi-OMM" xəbər verir ki, bu barədə o, B92 kanalına müsahibəsində fikirlərini bildirib.
"Ya Qərb Rusiya ilə tamhüquqlu münaqişə yolu ilə gedəcək, ya da ABŞ və Çinin köməyi ilə hansısa atəşkəs əldə olunacaq ki, bu da dünya üçün böyük rahatlıq deməkdir", - deyə Vuçiç bildirib.
O qeyd edib ki, Rusiya Federasiyası ilə Qərb arasında birbaşa münaqişə heç kimin xeyrinə olmayacaq və onun insan itkiləri baxımından nəticələri İkinci Dünya Müharibəsindən də ağır ola bilər.
Vuçiç əmindir ki, belə bir münaqişə Serbiyaya da təsir edəcək, ona görə də ölkə vəziyyətin istənilən inkişafına hazır olmalıdır. Onun sözlərinə görə, 100 gün ərzində Qərbin hansı ssenarini seçəcəyi bəlli olacaq.
