İsrail Müdafiə Qüvvələri (IDF) İranın "Həsən əl-Əmmam" diviziyasının artilleriya komandiri Kamal Malhamı öldürüb.
“Operativ Məlumat Mərkəzi-OMM” xəbər verir ki, bu barədə İsrail Müdafiə Qüvvələrinin mətbuat xidməti məlumat verib.
Məlumata görə, "Həsən əl-Əmmam" diviziyasının atəşin idarə edilməsinə cavabdeh olan baş qərargahına zərbə endirilməsi nəticəsində artilleriya rəisi Kamal Malham, diviziya komandirinin köməkçisi Yəhya Həsən və bir sıra digər yüksək rütbəli hərbçilər öldürülüb.
İsrail Müdafiə Qüvvələrinin məlumatına əsasən, İslam İnqilabı Keşikçiləri Korpusu (SEPAH) ilə əlaqəli olan "Həsən əl-Əmmam" diviziyası "müqavimət oxu"nun möhkəmləndirilməsini təmin edir və İsrail qüvvələrinə, eləcə də mülki əhaliyə hücumları idarə edir.
